《我想你好，但我想比你更好.....》
Let’s talk about something else 啦！今日睇IG ，見到木村個大女心美出道.... 木村有兩個女，大女心美18 歲，細女光希17 歲。光希先出道，好多人都話光希個樣同木村一模一樣，好多人話佢「唔夠靚」，「如果唔係木村佢邊個有咁機會紅呀」...
最近心美出道，IG 鋪天蓋地咁po 心美個樣出來，微妙嘅事情就發生左喇......
3個IG accounts，爸爸木村，細妹光希，家姐心美都有po 心美個樣出來。如果你仔細compare，你會明白世事真係從來不簡單。爸爸po 個張，光希同心美都幾靚，心美自己po 自己D 相都顯得自己好靚，但光希po 同家姐嘅合照，心美係特別醜。(你一睇就知邊張光希po)
而光希每po 家姐嘅相，都寫you are the best, you are the most beautiful, i love you so much…
大家有冇試過D friend 喺FB 同IG po 合照，你總係覺得自己喺張相入面真係特別醜，總係覺得呢個唔係best of me。個下會覺得朋友心機重，你有冇諗過佢唔係特登，而係，喺佢心目中，相入面好肉酸個個你，已經係best out of you。然後你會發現，你點睇我，同我點睇我自己，原來存在著一個gap，個gap 仲大過poverty gap 。
其實好明顯，光希靚D…
我諗光希都覺得自己靚D，光希個句：you are beautiful，我覺得係真心，更真心係光希覺得心美靚，但自己更靚。姊妹間個種，我想你好，但我想我比你更好嘅爭勝之心，冇兄弟姊妹嘅人可能唔明。
可能光希真係唔覺得自己靚D，佢真係識得欣賞家姐嘅true beauty 呢？
我覺得冇一個靚嘅人係唔知自己靚，所有靚嘅人都好清楚點利用自己靚嘅優勢，係從小周圍啲人對待佢地，而令佢地好清楚自己靚。心美嘅出現，係令本身外界覺得「唔夠靚」嘅光希，喺比較下變得靚左，所以我堅信光希係真心多謝心美嘅存在。
可能光希真係唔係心機婊，佢真係心地善良先po 家姐合照..... 係嘅，係嘅，靚嘅人係特別善良，to be accurate，靚嘅人比醜嘅人更易做到善良，因為靚係不勞而獲嘅入埸卷，靚嘅人際遇點都好D，遇到好際遇，少D bad encounters，自然更會變得nice。
見到好多報導話心美比光希更有才華，呢句真係好殘酷，通常唔靚先強調一個人有才華...
其實我覺得唔靚個個出道先，個安排比較好...會令唔靚個個冇咁難受。畢竟世界上，最殘忍嘅比較，係冇得用努力彌補嘅比較，包括樣，出身，種族同性別。
Search